हिमाली शेर्पा

     

 
 
 

हामी सम्पूर्ण बौद्धहरुको महान चाड लोसर (पौष १५) को आफ्नै धार्मिक तथा ऐतिहासिक महत्व र महिम छ । यो भौगोलिक र प्रकृतिक रुपमा नै समय फेरिने लोसारको रुपमा मनाईने मञ्जुश्री ज्यौतिष परम्परा हो । प्रत्येक लोसार पर्वको दिन एक वर्गको समापन तथा अर्को नव वर्गको स्वागत गदै हर्सौउल्लाका साथ मनाउने गरिन्छ । यस वर्ष पनि गरुड वर्गको बिदाई संगसंगै सर्प वर्गको शुरुवात हुनेछ । सर्प वर्गको साल भरि आ–आफ्नो वर्गले ल्याएको शुभ अशुभ फलहरु यस प्रकार छन ।


सर्प
  सर्प वर्गको उदय हुदाँ स्त्री होस वा पुरुष दुबैलाई लोकेग् (खड्गो) ग्रह लाग्नेछ । ठूलो बिरामी हुने, रिस चाँडै उठने, आयु, मान, धन हानी हुने, कुकार्य तर्फ मन जाने, प्रगतिमा बाधा आदि अशुभ आइपर्ने हुन्छ । यस बर्गका व्यक्तिहरुले बिरामीे भेटने, घर–जग्गा किन–बेच आदि कार्यमा सर्तकता अपनाउनु होला ।
     

गाई चरा सर्प

  सर्प वर्गको उदय हुदाँ गाई चरा सर्प वर्गको व्यक्तिलाई थुन्सुम् (उल्का) ग्रह लाग्नेछ । सम्पतिको नाश भई कल झगडा पर्ने, शरीर कम्जोर भई चक्कर लाग्ने, आँखा दुख्ने, ज्वरो आउने आदि अशुभ आइपर्ने हुन्छ । त्यस ब्यक्तिलाई देव देवी, नाग तथा कुलेनले हानी पु¥याउने छ । यो बर्गको व्यक्तिलाई बिदेश जाना राम्रो छैन ।
     

सुंगुर (मृग)

  सर्प वर्गको उदय हुदाँ सुंगुर (मृग) वर्गको व्यक्तिलाई दुन्स्हुर (शनि) ग्रह लाग्छ । पेट दुख्ने, फोक्सो बढ्ने, खटिर आउने, चोट लाग्ने, दोष लाग्ने, शत्रु आई पर्ने सातो जाने आदि हुन्छ । टाडाको यात्रा तथा ब्यापारमा कष्ट देखिने भएको ग्रह शान्ति गर्नु ।
     

बाँघ बाँदर

  सर्प वर्गको उदय हुदाँ बाँघ र बाँदर वर्गको व्यक्तिलाई श्यिशे भन्ने ग्रह लाग्ने छ । नयाँ ठाउ सर्नु, मित्र गाँस्नु, बिदेश जानु, ठूलो कार्यहरु थाल्नु, नयाँ व्यापार शुरुवात गर्नु, घर जग्गा किन्नु आदि बर्जित मानिन्छ । मानमा अशान्ति हुने शरीरमा घाउ खटिरो निस्कने सम्भवना भएकोले ग्रह शन्ति गर्नु
     
लेखकः
Khenpo Thekchok
khenpola@gmail.com
अनुमति विना प्रकाशन गर्न मनाहि छ ।



Laser 5210N Free counter and web stats