हिमाली शेर्पा

     

 
 
 
तोलाका टुल्कु

टगकर रिग्जिन छ्योक्यी वाङछ्युगबाट परम्परागत रुपमा प्रचर भइआएको गुरु ज्हछोन ञिंपोका वंशजहरु यस खुम्बु दिशातिर थाङ्म्यको गुरुबर ज्यतोङ छ्योयिङ् राङटोल र ङग्वाङ ठिनल्य ल्हुनटुब दुईजना हुनुभयो । ङगवाङ ठिनल्यका जेठा छोरा लामा दोनडुब कुनजाङदेछेन ग्यालपोले खुम्बु थाङम्य देछेन छ्योखोरलिङ गोम्पा, माइलो भाइेले च्यिवाङ गोम्पा र तोलाका गोम्पा तथा कान्छो कुस्योग माङ्देन ले ज्यरोग रिठो(धर्मस्थल) मा गोम्पा स्थापना गरेका थिए ।

तोलाका रिठोमा गोम्पा स्थापना गर्ने अवतारी ङग्वाङ लोजङ येशे ग्यछोका जन्म भोट सं. आगो–गोरुको–जेठ पूर्णे तदनुसार सन् १९३७ मा तोलका गाउँमा भएको थियो । उहाँको बाबु ङग्वाङ रङटोल शेर्पा र आमा गादेन जाङ्मो हुन् । जन्मेको तीन बर्ष देखि पाँच बर्ष सम्म स्वय्ले आफू ङगवाङ योनतेन नुर्बु अवतारी भएको ब्रह्मघोष गर्दा अघिल्लो जन्मका भाइ कुस्योग माङदेन र शिष्यहरुले उहाँको पहिलो जन्मको मालसामानहरु डमरु, घण्टी, माला र पुस्तकहरु अरुको मालसामानहरुसँग गोलमाल गरी देखाउँदा आफ्नो मालसामानहरु मात्र एकाएक छुटाएर लिनुभएको थियो ।

त्यसदिन उहाँको स्वागतका लागि गणचक्र पूजा गर्दा उहाँको अघिल्लो जन्मको उपासक दाताहरु चिनेर परिचय गर्नलाग्दा उपासकहरुले उहाँप्रति अत्यधिक श्रद्धा गरेका थिए । त्यसपछि कुस्योग माङ्देन लगायत शिष्यहरु र जिनदाग (उपासक) हरुले उहाँको अघिल्लो जन्मको गोम्पाखुम्बु ज्यरोग रिठो र थङम्य देछेन छ्योखोर लिङ गोम्पामा सवारी चलाई बौद्ध परम्परा अनुसार स्वागत अभिवादन गरी पूर्वजन्मको ठि (गद्दी) मा गद्दीआरोहण गराए । त्यसबेला उहाँले पूर्वजन्मको शिष्य भिक्षु ङगवाङ समत्यनसँग धेरै दिन छुटेर गएको साथी भेटेको जसरी चिनापर्ची गर्नुभयो । त्यसपछि फेरि तोलाका गोम्पामा फर्केर पाँच देखि दश बर्ष सम्म कुस्योग माङदेन सँग पढ्नेलेख्ने गरी शैक्षिक कार्यको शुभारम्भ गर्नुभयो ।

एघार बर्षको हुँदा जरोङफूदोङाग छ्योलिङ गोम्पाको परम्पुज्य (क्यबज्ये) ठूलासिग रिम्पोछेको उपचरणमा उपस्थित भइ टुप्पी काटेर शील ग्रहण गर्दा परम्पुज्यबाट शुभनाम ङग्वाङ लोसङ येसे ग्यछो प्रदान गर्नु भएको र उहाँ जरङफुको लोलाङमण्डल स्थापना गर्ने लामा ङगवाङ् योनतेन नुर्बुको अवतारी भएको परिचय दिनुभयो । त्यसपछि तथागत संग्रह, गुरु कार्य , वाक र चित्ततिलक, लोङछेन चित्ततिलक, गुरु टागमर, महाकारुणिक र बज्रसप्तको अभिषेक लिनुभई सिङगरी गोम्पामा लामा ञांगा रिन्पोछेसँग धर्मशास्त्रहरु अध्ययन गर्नुभयो । त्यसैगरी २१ बर्षको हुँदा पूर्वजन्मका गुरु बंशज लामा दोनटुब ( कुनजाङ देछेन ग्यालपो) बाट ज्हछोन ञिंपो र गोम्पा श्हङथलको अभिषेकहरु लिनुभएको थियो । त्यसपछि ज्यरोगको रिठो(तपोवन) मा महायन बौद्ध परम्परका पूर्वाभ्यासहरु क्रमशः शरणगमन(क्यबडो) बोधिचित्तोत्पादः(सेम्क्येद), बज्रसत्वजप, मण्डल अर्पण र गुरुयोग (लामी नलज्योर) को पाठहरु अभ्यास गर्नुभयो । अनि फेरी ३ बर्ष सम्म एकान्तमा गुफा बसी धर्मसाधना गरेको र भूमि–मूसा–बर्ष तदनुसार सन् १९४८ मा परमपूज्य दुज्योम रिन्पोछेज्यूबाट रिगजिन तेरजोद र दुज्योम तेरजोद्को अभिषेक लिनु भयो ।

त्यससमयमा तोलाका गोम्पामा अध्ययनका लागि पुस्तकहरु कमि भएकाले बोधिचर्यावतार नामक पुस्तकको ब्लक बनाई पुस्तक छापेर लामा विद्यार्थीहरुलाई पढाउने गरिएको छ । तयस्तै विदेशमा गएर धर्म प्रचार गर्ने र सत्धर्मको अभ्यास तथा साधना गर्ने जस्ता काममा निरन्तर लागिरहनुभएको छ ।



Laser 5210N Free counter and web stats